• Mikil áhersla lögð á samvinnu við Fasteignafélagið Þórkötlu til að Grindvíkingar eigi möguleika á að koma aftur heim. Við viljum hafa fyrirsjáanleika og köllum eftir breytingum laga um fasteignagjöld á þeirra eignum og framlengingu á forkaupsrétti. Einnig munum við óska eftir að viðhaldi lóða verði sinnt svo bærinn verði meira aðlaðandi.
• Tryggingar og fjármögnun á húsnæði ásamt fjárfestingum fyrirtækja þarf að vera trygg.
• Við þurfum að tryggja afhendingu á rafmagni með hringtengingu við Reykjanesvirkjun.
• Við munum halda sömu stefnu í styrkveitingu við okkar flotta íþróttastarf og vera með frístundastyrk fyrir börnin okkar.
• Uppbygging bílastæða á vinsælum stoppistöðum ferðamanna og innheimta bílastæðagjalda. Ferðamenn munu halda áfram að sækja Grindavík heim næstu áratugina og þurfum við að hafa innviði klára til að taka á móti öllu þessu fólki. Skoðum möguleikann á að gera Hópið að safni sem segir söguna af skjálftum og eldgosum.
• Við ætlum að halda áfram stefnu núverandi bæjarstjórnar að opna skóla og leikskóla á þessu ári með öryggi í fyrirrúmi.
• Verðum með örugga eftirfylgd og eftirlit með nýframkvæmdum bæjarins  svo mistök eigi sér ekki stað sem við höfum reynslu af eftir hamfarirnar.
• Vera með öruggari og ábyrgari fjármálastjórn.
• Við ætlum að auka við fjölskylduviðburði
• Við ætlum að nýta bæturnar sem við fengum frá NTÍ til fjárfestinga til að bæta þjónustu við okkar fólk. Þessi peningur á ekki að fara í rekstur.
• Hópið verður nýtt til sýningar fyrir ferðamenn sem koma til Grindavíkur og vilja skoða sprunguna þar.
• Viljum gera Víkurbrautina að einstefnu götu niður götuna en hún verði líka göngugata.
• Við viljum gefa 50% afslátt af leikskólagjöldum á fyrsta ári fyrir foreldra sem flytja heim.
• Við ætlum að gera endurbætur á leikvelli við Ásabraut fyrir yngstu börnin.
• Ætlum að gera þrautabraut í Selskógi sbr. þeirri sem er í Njarðvíkurskógum.

Endurreisn Grindavíkur verður góð í höndum Miðflokksins í góðri samvinnu með öðrum í bæjarstjórn.