Fjölmenni á þorrablóti Miðflokksins

Glæsilegasta og fjölmennasta þorrablót Miðflokksins til þessa var haldið á Fjörukránni í Hafnarfirði, 15.febrúar.

Skemmst er frá því að segja að snemma varð uppselt á blótið, enda frábær dagskrá í boði og fyrirtaks matur.

Veislustjóri kvöldsins var Þorsteinn Sæmundsson sem jafnframt fór með gamanmál, aðalræðumaður kvöldsins var Bergþór Ólason sem fór á kostum. 

Þá mæltu systkinin Nanna Margrét og Sigmundur Davíð Gunnlaugsbörn fyrir minni karla og kvenna af stakri prýði. 

Jakob Frímann stýrði tónlist og fjöldasöng með góðri þátttöku gesta.

Ungliðar fjölmenntu á blótið sem og allir aðrir aldurshópar og var vægast sagt létt yfir mannskapnum.

Hér getur að líta nokkrar myndir frá þessum vel heppnaða viðburði Miðflokksins.