Fjölmenni og stemning við opnun kosningamiðstöðvar í Reykjanesbæ

Karl Gauti, oddviti Suðurkjördæmis, ræðir við gesti

Fimmtudaginn 21. nóvember opnaði Miðflokkurinn kosningamiðstöð sína í Reykjanesbæ með glæsilegum viðburði. Yfir 100 manns mættu til að fagna þessum áfanga og njóta góðra veitinga, þar sem boðið var upp á ljúffenga súpu og meðlæti. Stemningin var frábær, og gestir nýttu tækifærið til að ræða helstu áherslur flokksins og málefni sem skipta íbúa Reykjanesskagans mestu máli.

Heiðbrá Ólafsdóttir, 2. sæti Suðurkjördæmis

Frambjóðendur Miðflokksins í Suðurkjördæmi tóku þátt í viðburðinum og ræddu við gesti um stefnur flokksins og mikilvægi þess að finna lausnir á vandamálum sem íbúar á svæðinu glíma við. Meðal frambjóðenda voru Karl Gauti Hjaltason, oddviti í Suður, Heiðbrá Ólafsdóttir í 2. sæti, Kristófer Máni Sigursveinsson í 4. sæti og G. Svana Sigurjónsdóttir í 5. sæti. Þau kynntu áherslur flokksins og ræddu við gesti um hvernig Miðflokkurinn hyggst taka á helstu áskorunum svæðisins.

Hælisleitendur og landamæri: Mikilvægi þess að ná stjórn á landamærunum var áberandi umræðuefni. Reykjanesskaginn hefur orðið fyrir mestu álagi vegna óstjórnar í þessum málaflokki, og Miðflokkurinn leggur til skynsamar lausnir til að tryggja öryggi og skipulag.
Tiltektir í ríkisrekstri: Rædd voru áform flokksins um að draga úr ríkisútgjöldum með ráðdeild og aðhaldi. Með því er hægt að nýta fjármuni betur og byggja upp betri og skilvirkari heilbrigðiskerfi og aðra grunnþjónustu.
Menntamál: Heiðbrá Ólafsdóttir lagði sérstaka áherslu á stöðu drengja í námi og mikilvægi þess að veita þeim aukinn stuðning til að tryggja árangur og jöfnuð innan skólakerfisins. Heiðbrá birti nýlega góða grein um málefnið sem allir eru hvattir til að lesa: Áfram strákar!

Kristófer Máni Sigursveinsson, uppalinn Sandgerðingur og 4. sæti í Suðurkjördæmi

G. Svana Sigurjónsdóttir, 5. sæti í Suðurkjördæmi.

Kosningamiðstöðin verður mikilvægur vettvangur fyrir samtal og samvinnu á leiðinni til kosninganna 30. nóvember. Flokkurinn hlakkar til að vinna náið með íbúum að því að styrkja samfélagið með ábyrgum og skynsömum lausnum sem bæta lífsgæði allra.

Gestir sammæltust um að opnunin hafi verið mikilvægur áfangi í kosningabaráttunni og sýndi vel einhug og metnað Miðflokksins fyrir Suðurkjördæmi.

Kosningamiðstöðin verður opinn milli 18:00 – 21:00 fram að kosningum.

Kosningamiðstöðin á Selfossi opnar 23. nóvember og verður viðburður haldinn milli 14:00 og 17:00 á Austurvegi 6, 2.hæð