Hvernig getum við tryggt það að á Íslandi verði byggð og fullnægandi þjónusta á landsbyggðinni fyrir komandi kynslóðir svo dreifbýli leggist ekki í eyði? Þetta er auðvitað vitað vandamál á Íslandi en nú blasir rétta tækifærið við að ráðast í kerfisbreytingar með skynsamlegum hætti. Þetta ætlum við í Miðflokknum að ráðast í og breyta, öllum Íslendingum til bóta.

Lítil sem engin uppbygging hefur skapast á landsbyggðinni vegna þess að ungt fólk flytur frá sveitarfélögum til að stunda nám erlendis eða í þéttbýli hér á landi. Ef við setjum það í samhengi þá hefur íbúðafjöldi ekki aukist nema um 470 íbúðir á Norðurlandi Eystra frá 2010. til 2016. skv. Þjóðskrá Íslands.

Þar ætlum við að horfa til nágrannaþjóða okkar varðandi dreifingu skatta eftir köldum svæðum. Meðal annars endurgreiðslu virðisaukaskatts á nýbyggingu húsnæða og leggja fram skattalega kvata fyrir fólk og fyrirtæki á landsbyggðinni.

Einnig þarf að horfa á samgöngur landsins og auðvelda ferðalög um allt land á lágum kostnaði. Þar kemur inn „lestarkerfið okkar“ sem eru innanlandsflug. Um leið og niðurgreiðsla miðaverðs á innanlandsflugi og uppbygging flugvalla með aðgengi um allt land í fyrirrúmi mun það auðvelda og hvetja fólk til búsetu á landsbyggðinni.

Þetta er það sem ég vil sjá fyrir mína kynslóð og framtíð Íslands. Við unga fólkið þurfum sérstaklega að horfa á okkar framtíð og móta það að Ísland allt verði uppbyggilegt og það að fullnægandi búsetuskylirði verði á landsvísu.

„VertuMemm“ og mótaðu Ísland allt með Miðflokknum.

Karl skipar fjórða sæti á lista Miðflokksins í Norðausturkjördæmi fyrir alþingiskosningarnar 2017

Categories: Kosningar2017